Северноамериканската професионална фудбалска лига МЛС ќе има координиран календар на натпревари со најдобрите фудбалски лиги во светот од летото 2027 година, објави раководството на МЛС.
МЛС ја нарече промената „една од најзначајните случувања во историјата на лигата“ и рече дека „продолжува да работи со Здружението на играчи на МЛС за да се финализира договор за план за транзиција“.
Во сегашниот формат, натпреварите од МЛС се играат од февруари до почетокот на декември, додека повеќето европски лиги имаат распоред на натпревари од август до мај. Во преодната фаза, регуларната сезона ќе биде скратена на 14 натпревари, по што ќе следат плејоф натпреварите од февруари до мај 2027 година.
Сезона 2027/2028. треба да започне во втората половина на јули 2027 година и да заврши на крајот на мај 2028 година. Планирана е и зимска пауза од средината на декември до почетокот на февруари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
