Усаин Болет во едно интервју се осврна кон расистичките навреди кои ги претрпеа англиските фудбалери Букајо Сака, Маркус Рашфорд и Џејдон Санчо. Тие станаа жртви на напади на социјалните мрежи откако промашија пенали во финалната пресметка против Италија на Европското првенство.
Англија го загуби финалето и целиот гнев на навивачите беше насочен кон нив тројца. Токму поради ваквиот развој на настаните, олимпискиот шампион и големиот следбеник на фудбалот застана во нивна одбрана и ја опиша ситуацијата како ужасна и многу нефер за фудбалерите на Англија.
„Грдо е што ова се случува, јас сум исплашен за ваквиот развој на настаните. Тешко ми е да гледам такви работи. Како Африканец и црнец, морам да кажам дека ситуацијата е многу тешка. Не можете да ги обвинувате тројцата фудбалери, тие не одлучуваат кој ќе шутира пенали. Сите се разочарани и вознемирени кога некој ќе промаши пенал, но кога станува збор за расистички навреди, тогаш тоа е проблем. Не можам да верувам во кој правец оди фудбалот”, рече Болт.
“As an African and a Black person, I can tell it must be rough on them. You can be upset at a person for missing because we’re human, but if you’re going to bring race into it, it has no place in football” – Usain Bolt speaks on racism following #EURO2020 pic.twitter.com/rLGoQYsT4q
— Dionne Grant (@DionneGrant) July 15, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
