Првиот човек на Реал Мадрид, Флорентино Перез само што го претстави Килијан Мбапе веќе се насочи кон ангажман на уште една европска ѕвезда.
Ливерпул и така има проблеми со најавени заминувања на Мохамед Салах и Вирџил Ван Дајк, а сега се потенцираат и преговори на Реал Мадрид со Трент Александер-Арнолд.
Неговиот договор со Ливерпул истекува следното лето, а се уште не е договорено продолжување. Но, дел од европските медиуми тврдат дека Перез во моментов е силно ангажиран да го донесе уште ова лето. Наводно, веќе се воспоставени контактите, а фудбалерот на Ливерпул нема ништо против да се пресели во Мадрид.
Александер-Арнолд целата своја професионална кариера досега ја мина во Ливерпул. Своето деби го имаше во 2016 година, а од тогаш запиша 310 настапи за „црвените“ во сите натпреварувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
