Македонскиот репрезентативец, Ненад Димитријевиќ, оствари уште една убедлива победа со неговиот тим Арис во Еврокупот. Во четвртото коло, Арис како гостин го декласира германскиот Росток со 77:110 за четврти триумф во групната фаза.
Ова е првпат сезонава Арис во Еврокупот да даде повеќе од 100 поени, а голема улога во триумфот имаше и Димитријевиќ.
Тој стандардно беше дел од почетната петорка и на теренот помина точно 20 минути за кои постигна 17 поени со одличен шут за тројка. Нено погоди три тројки од четири обиди, а имаше и четири асистенции.
Покрај него, добра партија прикажаа и Робинсон-Ерл со 21 и Морган со 20 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
