Матијс де Лихт беше трагичарот на Холандија на денешното осминафинале против Чешка, на кое „лалињата“ претрпеа неочекуван пораз од 2-0 и го завршија настапот на ЕВРО 2020.
Асот на Јувентус непотребно одигра со рака пред сопствениот шеснаесетник и доби директен црвен картон при резултат 0-0, по што Чесите ја искористија предноста од играч повеќе и стигнаа до големата победа.
„Секако дека ми е тешко, многу ми е жал бидејќи го загубивме натпреварот поради она што го направив. Јас сум виновникот, го контролиравме темпото на натпреварот, а потоа една долга топка кон нашиот шеснаесетникот промени буквално се. Паѓав, малку ме турнаа од зад грб и бев принуден да играм со рака. Сепак, јасно ми е дека не требаше така да изреагирам. Жалам бидејќи гледав како момците се бореа од почеток до крај, многу сум горд на сите, но исто така се чувствувам тажно бидејќи јас сум виновникот за оваа рана елиминација“, истакна де Лихт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
