Романските медиуми пишуваат дека повремениот македонски репрезентативец Тодор Тодороски, зимава речиси сигурно си заминува од таборот на Политехника Јаши.
Тодороски наводно веќе не бил во плановите на романскиот тим, и зимава ќе си бара нова средина. Тој пристигна во Поли Јаши на почетокот на годинава од Залаегерсег. Претходно играше за Сумгаит, Серед, Раднички Ниш, Осијек, а беше дел од Вардар.
Токму враќањето од Вардар е една од комбинациите за Тодороски, дознава ЕКИПА. „Црвено-црните“ низ зимскиот преоден рок сакаат да направат консолидиран тим, со кој речиси сигурно ќе изборат најпрво опстанок во „елитата“, а потоа низ годините кои доаѓаат ќе се обидат да ги вратат старите шампионски денови.
Исто така можен ангажман во Вардар се споменува и на голманот Дејан Илиев. Илиев во моментов е дел од Арад, исто така од Романијa, но сезонава настапи само на првите два натпревари, а потоа беше надвор од составот поради повреда. Се врати од повредата, но го загуби првотимскиот статус, поради што на последните два меча беше на клупата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
