Менаџерот на Манчестер сити, Пеп Гвардиола, изјави дека мора да се „грижи“ за своите играчи „како што татко и мајка се грижат за своите деца“, во време кога неговиот тим поминува низ исклучително густ распоред на натпревари.
Минатата недела, Сити ги победи Манчестер Јунајтед и Наполи, а во недела на „Емирати“ примија гол во судиското продолжение и одиграа 1-1 со Арсенал. Во среда, Сити го очекува натпревар од третото коло на Лига Купот против Хадерсфилд, а списокот на повредени играчи станува сè подолг.
„Мора да се грижам за моите фудбалери како родител за своите деца. Ќе бидеме стабилни и чекор по чекор, како што повредените ќе се враќаат, ќе учиме што можеме да направиме подобро“, рече Гвардиола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
