Поранешниот француски репрезентативец Жереми Менез се наоѓа во големи проблеми откако мексиканските медиуми објавија видео-снимка од него како конзумира кокаин и ужива во друштво на проститутки.
Тој летово беше без клуб, а одвај најде ангажман во францускиот второлигаш Париз. Претходно настапуваше за мексиканската Америка. На снимката се гледа како проститутка седи в неговиот скут, додека неговите пријатели конзумираат кокаин. Сепак, Менез се обидува да се одбрани од целата ситуација.
„Видеото е снимено пред пет месеци додека бев на одмор во Мексико. Дрога немам никогаш пробано, а тоа можам да го докажам со допинг тест. Жената на видеото не е проститутка, немојте да измислувате приказни кои не се случиле. Брзо ќе докажам се, опуштете се“, изјави Менез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
