Францускиот кошаркар Виктор Вембањама е еден од најголемите таленти на светската кошарка во изминатата деценија и нема дилема дека ќе биде избран како прв пик од страна на Сан Антониот Спурс во јунскиот НБА драфт.
Високиот кошаркар со право е амбициозен, но неговите желби не се само за успех во НБА, туку и за постигнување големи резултати со националниот тим.
Олимписките игри во 2024 година ќе се одржат во Париз, а 19-годишниот Вембањама треба да биде еден од главните столбови на тимот предводен од Винсан Коле.
„Знаете дека следната Олимпијада е во Париз. Не може да има подобра можност од тоа да го освојам мојот прв медал со француската репрезентација. Целта ми е да ги победиме Американците во финалето“, изјави Вембањама.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
