Пандев заедно со Роналдо, Ибрахимовиќ, Рамос… меѓу најдобрите фудбалери постари од 34 години на денешницата

Капитенот на македонската репрезентација Горан Пандев е избрана меѓу најдобрите фудбалери постари од 34 години на денешницата, според изборот на „ГивМиСпорт“.

На листата која ја состави познатиот европски медиуми, на првата позиција е ѕвездата на Јувентус, Кристијано Роналдо, а меѓу 18 издвоени имиња е и Горан Пандев кој е на 17-та позиција.

„На Пандев сите се сеќаваат по тројната круна со Интер во 2009/10 година. 37-годишната македонска ѕвезда со 114 настапи во репрезентативниот дрес оваа година успеа да се избори и за пласман на ЕП со Македонија што беше неговиот најголем сон“ – пишува „ГивМиСпорт“.

 Меѓу најдобрите фудбалери постари од 34 години се и Златан Ибрахимовиќ, Серхио Рамос, Давид Силва, Фернандињо, Тиаго Силва, Един Џеко, Оливие Жиру, Бурак Јилмаз, Џејмс Милнер, Фабио Кваљарела, Јоакин, Лорен Кошчелни, Хозе Фонте, Раул Албиол, Александар Коларов и Жоао Мутињо.

Се вчитува...