Во третото коло од групната фаза во Лигата на Шампионите, Милан го забележа првиот пораз откако на гостувањето кај Челси загуби со 3-0. Лондонскиот тим беше далеку подобриот противник, ги користеше своите шанси и не дозволи Милан да се надева на победа.
„Росонерите“ за мечот на „Стемфорд Бриџ“ не можеа да сметаат на неколку клучни играчи, но тренерот Стефано Пиоли вели дека тоа не е изговор за лошата игра. Тој пред мечот верувал дека неговиот состав е подготвен за предизвикот, но грешките го чинеле бодови.
„Моравме подобро да реагираме при шансата на Круниќ. Не влеговме добро во натпреварот, се изгубивме и правеме грешки и во моментите кога Челси не не притискаше. Кога правите такви грешки против толку добар противник работите се комплицираат. Не е важно кој не настапи. Мислев дека сме подготвени за овој натпревар, но потфрливме. Губевме топки и им дававме премногу простор на играчите на Челси. Од поразите мораме да учиме. Во сабота повторно имаме шанса да покажаме дека умееме да играме“, вели Пиоли.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА