Поранешниот холандски фудбалер и селектор на репрезентацијата Кес Ријверс почина на 97-годишна возраст, соопшти неговиот поранешен клуб ПСВ Ајндховен.
Играчот од средниот ред одигра 33 натпревари за холандската репрезентација од 1946 до 1960 година и постигна 10 гола, а ја освои и титулата во француската Лига 1 со Сент Етјен во 1957 година.
Како селектор на холандската репрезентација од 1981 до 1984 година, тој ги претстави Франк Рајкард, Марко ван Бастен и Руд Гулит на меѓународната сцена. На клупата на ПСВ освои три национални првенства, два купа на Холандија и Купот на УЕФА во 1978 година.
„Со смртта на Кес Ријверс, клубот и холандскиот фудбал изгубија голема икона“, се вели во соопштението на клубот.
Ријверс во текот на својата играчка кариера играше за Сент Етјен, Феенорд и НАК Бреда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
