Камил Штох триумфираше на третата етапа од Новогодишната турнеја „Четири скокалници“ која денеска се одржа во австриски Инсбрук. Полјакот до триумфот стигна со скокови од 127.5 и 130 метри. Второто место му припадна на Анже Ланишек од Словенија, додека трети и четврти беа сонародниците на Штох Кубацки и Зила.
Одлична вест за Штох е тоа што неговите најголеми конкуренти пред денешните скокови, Германецот Карл Гајгер и Норвежанецот Гранеруд имаа очајни први скокови и одвај успеаја да обезбедат втора серија, што значи дека ги загубија шансите за титула на турнејата.
Во моментов најголем конкурент на Штох е неговиот сонародник Давид Кубацки кој минатата година изненадувачки триумфираше на новогодишната турнеја.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
