Најдобриот хрватски ватерполист Сандро Сукно ја заврши играчката кариера на свои 28 години, поради проблеми со срцето.
„Почитувани пријатели, колеги соиграчи, тренери и ватерполо познавачи чувствувам дека ми е должност да ја информирам јавноста поради донесувањето на одлуката за завршување на кариерата. По операцијата на срцето во САД на почетокот на минатата година, која помина успешно и по разговор со познати доктори од Хрватска и странство и по темелни прегледи заклучивме дека моето здравје не е за да продолжам да се занимавам со ватерполо“, напиша Сукно.
Сукно со репрезентацијата на Хрватска освои златни медали на олимписките игри, светските и европските првенства, а во сезоната 2016/2017 беше избран за најдобар ватерполист во светот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
