Дисциплинската комисија при Ракометната федерација на Македонија (РФМ) му изрече висока парична казна од 100.000 денари на ракометниот клуб Прилеп поради технички пропуст при реализацијата на официјалниот видео-запис од првенствен натпревар.
Казната е за дуелот на Прилеп со Струга. Имено, прилепскиот суперлигаш доставил нецелосно снимен материјал од овој натпревар, во кој недостигале клучните последни седум секунди од средбата.
Според официјалното образложение од РФМ, со ваквиот пропуст клубот домаќин директно го прекршил член 21 од Дисциплинскиот правилник, кој стриктно наложува комплетна видео-снимка и предвидува санкција во износ од точно 100.000 денари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
