Тренерот на Атлетико Мадрид, аргентинскиот стратег Диего Симеоне, тајно се оженил со моделот Карла Переира. Двојката склучила брак на тајна церемонија веднаш по завршувањето на сезоната во шпанското првенство, а наскоро планираат и црковна венчавка.
„Тие планираат црковен брак по крштевката на малата ќерка. Најверојатно венчавката ќе се случи во август или во септември“, открицва шпанскиот таблоид „Jaleos“.
Симеоне и Карла Переира имаат две ќерки, Валентина се роди во февруари, а повозрасната Франческа има две и пол години.
Аргентинецот има и три сина од првиот брак, Џовани (23), Џанлука (20) и Џулијано (16).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
