Една од најталентираните француски спортистки во спортско качување Луси Доуди го загуби животот за време на планински тренинг на југоистокот од Франција.
16-годишната Доуди, која е светска јуниорска шампионка во олимписката дисциплина – боулдер, загинала по пад од карпа во близина на својот дом, соопшти Француската федерација за планинско качување. Младата французинка, која требаше да настапи и на Летните олимписки игри, била со свои пријатели кога се лизнала и паднала од 150 метри. Точните околности на несреќата се уште не се познати.
„Луси беше најперспективната наша спортистка. Со само 16 години иднината беше пред неа. Ова е огромна трагедија и голем шок за нас“ – соопштија од Француската федерација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА