Британскиот новинар Нил Морис знае да препознае таленти, бидејќи уште пред 21 година најавил дека Џад Трамп еден ден ќе стане светски шампион во снукер.
Британецот во 1998 година во еден снукер клуб, го видел тогаш 8-годишниот Џад, како игра на локален турнир против неговиот 12 годишен син и во него препознал голем талент. Отишол во обложувалница и побарал да му биде даден коефициент дека младиот Џад Трамп до својата триесета година ќе стане светски шампион. Обложувалницата му дала коефициент 1 000, а тој вложил 10 фунти.
Трамп стана голем снукер играч, а Морис за малку ќе ги добиеше парите уште во 2011 година, кога Трамп во големото финале во театарот „Крусибл“ загуби од Џон Хигинс. Осум години подоцна Трамп му се реваншираше на истиот противник, и со победата од 18-9 стана светски шампион со 29 години, односно три месеци пред да наврши 30 години, што на Морис му донесе заработка од 10 000 фунти.
Well done to racing journalist Neil Morrice, 62, who has won £10,000 after placing a £10 bet on Judd Trump
to win the World Snooker Championship – at odds of 1,000/1 with Coral when Trump was eightHe spotted Trump’s talent at a snooker club near Bristol 21 years ago pic.twitter.com/8e9klMz4YC
— Francis Keogh (@HonestFrank) May 6, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
