Челниците на НФЛ лигата и Асоцијацијата на играчи во НФЛ заеднички работат на истражување кое потенцијално би овозможило употреба на марихуана во терапијата на играчите.
Многу истражувања потврдуваат дека марихуана има лековити својства и помага во лекувањето и на најтешки болести, но употребата на ова наркотичко средство официјално е забранета во сите спортови.
Од друга страна, јавна тајна е дека голем број играчи што настапуваат во американскаат НБА и НФЛ лига, вклучувајќи и големи ѕвезди, конзумираат марихуана, најмногу поради тоа што казните за употреба на марихуана се парични, а суспензиите минорни.
Од НФЛ и порано покренаа сопствено истражување за можноста марихуаната да се употребува како терапија и чекаат официјален одговор.
„Се радуваме на соработката со Асоцијацијата на играчите на секоја тема која се однесува на здарвјето и на безбедноста на играчите“ – изјави извршниот потпретседател на НФЛ, Џо Локхард.
Иницијативата покрената од челниците наиде на различни коментари во јавноста, во поголем дел со негативна конотација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
