Новак Ѓоковиќ имаше феноменална година во која се искачи на врвот на АТП-листата, па српскиот тенисер сега пред себе си исцрта нов цел – да го стигне рекордот на Роџер Федерер за најмногу освоени гранслем титули во кариерата. Швајцарецот досега има 20 пехари од четирите најсилни турнири, зад него е Надал со 17, додека Ѓоковиќ моментно се наоѓа на делба на третото место со Пит Сампрас, со по 14 трофеи.
„Секако дека примарна желба ми е да останам што подолго на врвот на АТП-листата, но гледано на подолг рок – би лажел ако кажам дека не го меркам рекордот на Федерер. Желба ми е што повеќе да го зголемувам бројот на освоени пехари на гранслем турнирите, па ако ми е укаже можност и да го надминам остварувањето на Роџер. Освоив се што можеше да се освои во кариерата, сега би сакал да триумфирам што повеќе на главните четири турнири“ – истакна Ѓоковиќ.
По успехот на ревијалниот турнир во Абу Даби српскиот тенисер се упати кон Доха, каде во првото коло ќе се сретне со Дамир Џумхур од БиХ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
