Европските гиганти пред десетина дена ги стартуваа подготовките за новата сезона, а дел од нив веќе заминаа и на турнеи на различни страни од светот. Во следниот период ќе почнат да стартуваат лигите во различни земји ширум Европа, но оние Топ 5 шампионати вообичаено својот старт ќе го имаат во текот на месец август.
Премиер-лигата ќе почна на 9 август, ист датум како и француската Лига 1. Прв меч од елитното англиско фудбалско друштво ќе биде дуелот на „Енфилд“ меѓу Ливерпул и Норвич, додека сезоната во Франција ќе ја отворат Монако и Лион.
Наредниот викенд стартуваат возбудувањата во Германија и во Шпанија. Бундес-лигата на 16 август ја отвора шампионот Баерен Минхен на домашен терен против Херта, а во „Ла Лига“ исто така првиот натпревар ќе го игра шампионот, Барселона му гостува на Атлетик Билбао.
Вообичаено, последна од Топ 5 лигите почнува италијанската. Предвидено е стартот да биде на 24 август, но се уште не е извлечен календарот за натпреварување, па не се знае кој ќе биде прв меч од новата сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
