Кошаркарите на Торонто славеа против Бостон по две продолженија со 125-122 израмнувајќи во серијата од НБА плеј-офот на 3-3.
Во феноменален натпревар Бостон водеше се до средината на третиот период, но од тој момент Торонто успеа да се врати и да се избори за продолжение. По израмнетото прво, успеа да слави во второто за 3-3.
Кајл Ловри со 33 поени, дополнети и со осум скока и шест асистенции беше одличен кај Торонто, а Пауел заврши со 23 поени. Од спротивната страна, Џејлен Браун мечот го заврши со 31 поени и 16 скока, додека Џејсон Татум запиша 29 поени, 14 скока и 10 асистенции.
На чекор од финале во Западната конференција е ЛА Клиперс кој славеше против Денвер со 96-85, поведувајќи со 3-1 во серијата.
Каваи Леонард со 30 поени, 11 скока и девет асистенции го предводеше ЛА Клиперс до победата, додека на спротивната страна Никола Јокиќ постигна 26 поени, а имаше и 11 скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
