Минесота Тимбервулвс уште еднаш покажаа дека со нив нема лесни натпревари и серии, па и покрај проблемите, стигнаа до 2-2 во серијата со Сан Антонио.
Ентони Едвардс одигра уште еден натпревар во кој го потврди својот квалитет и ги предводеше Минесота до голема победа над Сан Антонио од 114-109, со што серијата од второто коло од НБА плејофот е израмнета на 2-2.
Сепак, натпреварот во Минеаполис беше обележан со момент кој целосно го промени неговиот тек.
Ѕвездата на Спарс, Виктор Вембањама, беше исклучен на почетокот од втората четвртина поради груб старт врз Наз Рид.
Во еден момент, францускиот центар, видливо фрустриран, го удри Рид со лакт во вратот, по што судиите го прегледаа видеото и му доделија прекршок, што автоматски значеше крај на натпреварот за еден од најдобрите играчи на Сан Антонио.
Status alert: Victor Wembanyama has been ejected Sunday after being assessed a Flagrant 2 foul. pic.twitter.com/G02YylonQE
— Underdog NBA (@UnderdogNBA) May 11, 2026
Центарот Таргет експлодираше додека Вембањама се упатуваше кон соблекувалната.
Навивачите на Минесота почувствуваа дека тоа е момент што ќе го промени играта и ќе го врати нивниот тим во живот во оваа серија.
Сепак, Спарс не се предадоа дури ни без нивната суперѕвезда висока 224 сантиметри. Одлична игра одиграа Дилан Харпер и Де’Арон Фокс, кои постигнаа по 24 поени, додека Стефон Касл додаде 20.
Сан Антонио долго време го контролираше ритамот на играта и во неколку наврати се чинеше дека ќе ја преживеат суспензијата на Вембања.
Сепак, потоа се појави Ентони Едвардс.
Феноменалниот бек на Минесота постигна дури 16 поени во последната четвртина и го одлучи натпреварот.
Едвардс го заврши натпреварот со 36 поени и уште еднаш покажа зошто многумина веќе го сметаат за едно од новите заштитни лица на НБА.
Руди Гобер постигна 11 поени со 13 скока, додека Наз Рид, и покрај болниот удар што го доби од Вембањама, го заврши натпреварот со 15 поени и девет скока.
Беше особено интересно да се слушне изјавата на Едвардс по натпреварот, бидејќи тој призна дека отсуството на Вембањама може дури и да ја отежни работата.
„Кога на еден тим му недостасува својот најдобар играч, сите други играат послободно и со поголема самодоверба. Всушност, тоа ни отежна“, рече Едвардс.
Од друга страна, сега се чека одлуката на НБА за евентуална дополнителна казна за Вембања.
По добивањето на Флагрант 2 и директно исклучување, постои можност француската суперѕвезда да биде суспендирана за следниот натпревар. Тоа би бил огромен проблем за Спарс пред петтиот натпревар од серијата во Сан Антонио.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
