Точно, во 19:47 часот, ФК Вардар вчера ја започна најголемата акција за продажба на членски карти, со кои ќе може да се проследат сите домашни натпревари на ФК Вардар. После само неколку часови продажба, според последните информации, прoдадени се околу 500 сезонски билети.
Како што информираа од клубот, продажбата во соработка со “Пасворд продукција”, ќе биде преку платформата “МК Тикетс”, во желбата да се направи нешто вистински големо за клубот.
„Членските карти ќе чинат 1000 денари, и ќе може да се купат онлајн и во живо. Онлајн, преку страницата на “МК Тикетс”, каде што, откако ќе ги наведете потребните информации (Име и презиме, и e mail адреса), ќе ви биде издадена потврда – ваучер. Тој ваучер, ќе може да го замените со пластифицирана членска картичка, веднаш откако истите ќе бидат изготвени. Покрај онлајн продажбата, ќе постои и опција за купување во живо. Имено, на сите продажни места на “МК Тикетс”, ќе имате можност, да го купите ваучерот, кој подоцна ќе може да го замените со пластифицирана членска карта. Времето и местото, од каде што ќе може да ги подигнете членските карти, ќе ги објавиме наскоро!“ – информираат „Комитите“ кои го презедоа раководењето со ФК Вардар.
„Вардарци“ повикуваат на масовно купување на членските карти…
„Акцијата, како и претходната пред две години кога беа продадени повеќе од 33.000 билети, ќе биде спроведена целосно транспарентно. Преку редовни соопштенија и прес конференции, на јавноста секојдневно ќе и го презентираме текот на акцијата. Искреноста и чесноста се наш принцип, а преку оваа акција, уште еднаш тоа ќе го покажеме на дело! Отворен повик до сите наши членови, како и до симпатизерите на клубот. Оваа борба е заедничка, а шансата е историска. Затоа, не се мисли, купи членска карта и помогни му на клубот! Сите собрани финансиски средства, ќе бидат наменети за функционирање на ФК Вардар!“ – дополнуваат „Комитите“.
ПРОДАЖНИТЕ МЕСТА на “МК ТИКЕТС” каде може да се купуват членските карти:
LITERATURA.MK – EAST GATE MALL
LITERATURA.MK – VERO JUMBO
LITERATURA.MK – ГТЦ ПРИЗЕМЈЕ
LITERATURA.MK – Ул. Македонија
LITERATURA.MK – ТЦ БУЊАКОВЕЦ
LITERATURA.MK – SKOPJE CITY MALL
ЈУГОТОН – ГТЦ 1 кат
ЈК Травел, ТЦ Бисер – Аеродром
Макпетрол Козле
Макпетрол Илинденска
Макпетрол Влае
Ова е линкот, кој директно ве носи на страницата, од каде што ќе можете да си купите членска карта:
https://www.karti.com.mk/etickets/TicketList.aspx..
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
