Македонската репрезентација ја чека натпревар против силната Италија во квалификациите за пласман на Европското првенство 2024 година.
Елиф Елмас добро ги познава Италијанците, со оглед дека настапува во Серија „А“, а работеше и со селекторот на „азурите“ Лучијано Спалети.
„Искрено очекувам доста да промени Спалети. Висока игра, доста офанзивна со многу добар посед на топка, и секогаш очекува екипата да му биде 90 минути под пресинг на натпреварот, така што не знам колку ќе успее во овие седум дена колку што е селектор, така што ќе видиме колку тоа ќе делува против нас. Ова ќе ми биде прва средба со Спалети по освоеното Скудето, и додека почне натпреварот се е во ред, а потоа секој на своја страна за својата држава“, изјави Елмас.
Тој кажа дека со соиграчите од Наполи кои играат во репрезентацијата се „пецкаат“ меѓусебно, но тоа е со респект.
„Со соиграчите се пецкаме, со доволен респект така што ќе излеземе на терен сите заедно и јас и тие ќе го дадат максимумот и се надевам дека ќе успееме да дојдеме ние до добар резултат“, изјави Елмас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
