Ракометарите на Фарски острови ја приредија најголемата сензација досега на Европското првенство во ракомет во Германија, откако ремизираа со големиот фаворит Норвешка 26-26 во меч од 2. коло.
Фараните 50 минути беа во егал со големиот фаворит, а по големите глупости кои што ги направија Норвежаните во последната минута во која прокоцкаа плус два успеаја да стигнат до големи реми од 26-26. Скипаготу и Расмусен со по пет гола беа први имиња кај Фараните, додека кај Норвешка Блонц постигна осум гола.
Фаворитската улога без поголеми проблеми ја оправдаа Данците и Швеѓаните. Данска славеше над нашиот добро познат противник Грција со 40-28, додека Шведска ја прегази Грузија со 42-26.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
