Лионел Меси ќе го продолжи договорот со Интер Мајами на најмалку уште една сезона, пренесуваат американските медиуми. Договорот на легендарниот аргентински фудбалер истекува на крајот на сезоната, а тој не намерува да замине од клубот.
Целта на Меси е да остане дел од клубот каде ќе биде конкурентен и за настап на Светското првенство кое ќе се одржи во 2026 година. Најавите за продолжување на договорот ги најави и претседателот на Интер Мајами, Хорхе Мас.
„Очекувам Меси да игра на новиот стадион на Интер Мајами во 2026 година. Тоа е важна одлука. Разговараме со него за иднината во клубот“, изјави Мас.
Меси е дел од Интер Мајами од 2023 година каде пристигна по две сезони поминати во ПСЖ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
