Фудбалската федерација на Сенегал одговори на одлуката на Конфедерацијата на африкански фудбал да му ја одземе титулата од Африканскиот куп на нации по хаотичните сцени во финалето против Мароко.
Сенегал објави дека ќе се жали на „неправедната, невидена и неприфатлива“ одлука за поништување на нивната победа на континенталното првенство.
На 18 јануари, Сенегал го освои финалето победувајќи со 1-0, по вонредните сцени во Рабат.
Тренерот и играчите го напуштија теренот во знак на протест поради пеналот досуден за Мароко, што предизвика немири на трибините.
По 15-минутно доцнење, Сенегал се врати на теренот, Едуар Менди одбрани пенал од Брахим Дијас, а Папе Геј го постигна победничкиот гол во продолжението.
Сепак, два месеци подоцна, ЦАФ донесе одлука да му ја одземе титулата на Сенегал и да му ја додели на Мароко, кој славеше со официјален резултат од 3-0.
Сенегалците сега ќе се жалат до Арбитражниот суд за спорт – ЦАС.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
