Ти Џеј Шортс се мачи да остави поголема трага во Панатинаикос, но македонскиот репрезентативец покажа за што е способен, блескајќи на клучниот меч за пласман во плејофот во кој ПАО го совлада тимот на Монако.
Шортс беше лидер на „зелените“ на овој натпревар, предводејќи го тимот со 21 постигнат поен (8/11 за два поени, 1/2 за три и 2/2 од линијата за слободни фрлања).
Зад името на Шортс останаа запишани и три скока, две асистенции, една украдена топка и три изнудени прекршоци, за вкупно 24 индексни поени, со што Ти-Џеј беше избран за МВП на плејин фазата од Евролигата.
Останува да се види дали македонскиот репрезентативец ќе продолжи во ист ритам и во плејофот, во кој ПАО за противник ќе ја има екипата на Валенсија.
The Play-In had one standout 🤩 @TjShorts5, who led @Paobcgr to a convincing win over @ASMonaco_Basket on Tuesday, earning Play-In MVP honors.#EveryGameMatters pic.twitter.com/PHxX02kTTN
— EuroLeague (@EuroLeague) April 25, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
