Езгијан Алиоски и Лидс Јунајтед стигнаа до голема победа на гостувањето кај Лестер од 1-3 во натпревар од 21. коло во Премиер-лигата. Домаќините подобро отворија и преку Барнс во 13. минута поведоа со 1-0. Сепак, само две минути подоцна Лидс израмни со голот на Далас.
Во второто полувреме стапи на сцена Патрик Бамфорд кој прво во 70. донесе водство, а потоа во 84. минута му асистираше на Харисон за нов триумф на тимот од „Илан роуд“. Алиоски го одигра цел натпревар. Лидс е 12. на табелата со 29 бода, додека Лестер останува трет со 39 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
