Стратегот на ПСЖ, Луис Енрике не го криеше задоволството откако неговиот тим крена уште еден пехар, триумфирајќи повторно во Суперкупот на Европа со победата од 2-1 над Астон Вила во Салцбург.
„Светците“ имаа проблеми бидејќи голем дел од првотимците пред неколку дена се приклучија на подготовките, но сепак одиграа квалитетен меч и стигнаа до победата и новиот трофеј.
„Беше многу компликувано, исто како и лани, но најдовме начин да стигнеме до победата. Верувам во моите играчи, кои секогаш наоѓаат начин да се издигнат над проблемите, така беше и овојпат, дел од нив се најдоа на терен по само неколку дена тренинзи, но го направија она што се очекуваше од нив. Верувајте, тешко е да се победува во континуитет со години, но фактот дека ние го правиме токму тоа покажува колку е оваа група на играчи посебна. Многу е лесно да ги мотивирате, бидејќи тие уживаат во она што го прават на теренот. Затоа, сезонава повторно ќе ги нападнеме сите трофеи“, порача Луис Енрике.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
