Фрајбург ја продолжува битката за место во Лигата на Шампиони следната сезона откако во 28. коло од Бундеслигата славеше на гостувањето кај Вердер Бремен со 1-2 по целосен пресврт во натпревар во кој сите голови беа постигнати во второто полувреме.
Филип донесе предност за Вердер Бремен во 47. минута, а 20. минути подоцна следеше моментумот на гостите. Салаи во 67. минута изедначи на 1-1, а Холер го комплетираше пресвртот четири минути подоцна.
За Фрајбург тоа е 50. бод во сезоната со кој се зацврсти на петтото место на табелата со бод помалку од Лајпциг и Унион Берлин. Вердер пак останува на 12. место на табелата со 32 освоени бодови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
