Новак Ѓоковиќ и Рафаел Надал речиси сигурно нема да играат на Вимблдон. Србинот штотуку беше опериран, му претстои тринеделно закрепнување и сите стручњаци се согласни дека би било многу ризично да игра во Лондон, бидејќи стартот на турнирот е точно за три недели. Шпанецот не беше опериран, но состојбата на неговото тело не е многу подобра, па се смета дека би било многу ризично и за него да игра на Вимблдон.
Главна цел за двајцата е да се натпреваруваат на Олимпијадата која е за седум недели. Познато е дека ќе се одржи на земјена подлога на Ролан Гарос, па логично е и двајцата да одиграат барем по еден турнир на таа подлога за да се подготват што подобро.
Во неделата по Вимблдон, кога тенисот се враќа на својата најбавна површина, има три турнири – но еден се издвојува како очигледен избор. Тој во Хамбург. Прво, затоа што е поголем од другите два во Бастад и Гштад.
Сепак, неговата најголема предност е веројатно фактот што има покрив, па нуди многу поквалитетна конкуренција, без губење време и исцрпувачки распоред што влијаеше на повредата на Новак. Да не мораше да игра на Ролан Гарос до три часот наутро поради насобраните натпревари, неговото учество во Париз веројатно ќе имаше поинаков епилог.
Исто така, постои можност Србинот и Шпанецот да играат во неделата пред Олимпијадата, во Умаг или Кицбил, но потоа може да ризикуваат да учествуваат на свеченото отворање на Игрите. Секако, се зависи од нивната проценка, дали им требаат повеќе натпревари или се задоволни од формата пред борбата за медали.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
