Најдобриот тенисер во светот, Србинот Новак Ѓоковиќ се врати од САД каде поради пандемијата од коронавирусот беа откажани првите два Мастерси во сезоната, Индијан Велс и Мајами. Тој слободното време го користи поделувајќи совети во борбата со големата болест која го зафати светот.
„Треба да се зголеми внесувањето на витамин Ц и цинк. Препорачано е да имате 5 до 7 грама дневно витамин Ц, а може и до 10. Подобро е да имате течен цинк, а доколку го немате, можете да земете и таблети. Тогаш е добро 3 до 4 пати поголема доза. Исто така наутро пијте топла вода со лимон и малку морска сол. Топла вода со лимон пијте уште неколку пати во текот на денот. Препорачливо е на празен желудник“, откри Ѓоковиќ.
Тој препорача и уште неколку совети кои ќе помогнат во борбата со вирусот.
„Пијте што повеќе зелени сокови и шејкови со зелени растенија. Зелените растенија прават алкална база во организмот која ги уништува вирусите. Препорачливо е да го конзумирате и лук помешан со мед и цимет. Добро е да се конзумира и масло од диво оригано, ѓумбир и лути пиперки“, додаде Ѓоковиќ.
Исто така Ѓоковиќ советува дека е важно и да се поминува време на свеж воздух.
„Поминувајте време на свеж воздух и природен амбиент. Тоа не лечи. Прајте вежби за дишење бидејќи на тој начин емотивно и ментално добивате мир кој ви дозволува полесно да се справувате со проблемите и болестите. И најважно смејте се“, заврши Ѓоковиќ.
АТП ја суспендираше тениската сезона во следните шест недели, со што и дефинитивно се откажани американските мастерси, а голема е шансата да биде откажан и турнирот во Монте Карло.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
