Новак Ѓоковиќ е чекор поблиску до настап на Вимблдон откако најдобриот тенисер на денешницата допатува во Лондон и веќе го имаше и првиот тренинг на тревната подлога.
Србинот експресно се рехабилитира по операцијата на менискусот, по повредата заработена на Ролан Гарос, па реши да отпатува на „островот“ и да одработи неколку тренинзи пред да донесе конечна одлука дали ќе настапи на Вимблдон. Првите знаци се позитивни, Србинот делуваше моќно за време на тренингот, а извори до Новак тврдат дека тој е многу блиску до конечна одлука.
Ѓоковиќ е оптимист дека може да ги издржи напорите на Вимблдон, воедно и да го искористи овој турнир за главниот настан за него за оваа календарска година, настапот на ОИ во Париз.
Овогодинешното издание на Вимблдон стартува следниот понеделник, на 1 јули.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
