Златан Ибрахимовиќ смета дека е најдобар фудбалер во МЛС лигата, иако според бројките најдобар е напаѓачот на ФК Лос Анџелес, Карлос Вела кој досега има постигнато 19 гола и 12 асистенции. Популарниот Ибра смета дека Вела игра во своите најдобри години, додека тој е веќе ветеран, но и покрај тоа повторно е најдобар во МЛС.
„Далеку сум најдобар фудбалер во МЛС лигата. Тој ако е во своите најдобри години, колку години има? 29? Знаете каде бев јас кога имав 29 години“, изјави Ибрахимовиќ.
Во следното коло се среќаваат токму тимовите на ФК Лос Анџелес и ЛА Галакси, што ќе биде дерби на колото бидејќи првите се наоаѓаат на првата позиција во Западната конференција, додека клубот на Ибрахимовиќ е третопласиран.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
