Италијанската тениска федерација прави максимални напори да пронајде нов термин за одржување на турнирот од Мастерс 1000 серијата во Рим. Тој беше одложен заедно со Ролан Гарос и комплетната сезона на земја поради пандемијата на коронавирусот. Првичните идеи кои го соопшти претседателот на федерацијата, Анџело Бинаги, се турнирот да се одржи во септември.
„Планот е турнирот да се одржи. Идеално би било кога би пронаше термин пред Ролан Гарос. Би сакале да биде одигран во Рим, но подготвени сме да ја промениме и локацијата па дури и подлогата“ – изјави Бинаги.
Ролан Гарос е презакажан за терминот од 20.септември до 4. октомври. Проблем околу одржувањето на Мастерсот Рим во септември прави УС Опен кој е закажан за од 24. август до 13. септември.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА