Рома конечно ја прекина серијата од три кола без победа откако „волчицата“ вечерва по голема битка славеше над Џенова со 3-2. Триуфот е уште позначаен ако се земе во предвид фактот дека гостите два пати водеа во првото полувреме, а голманот Олсен направи катастрофална грешка со која му го подари на Пјатек првиот гол на натпреварот.
Фазио и Клајверт израмнија на 1-1 и 2-2 во првото полувреме, а на самиот старт од вториот дел Џенова поведе со голот на Лазовиќ, по уште еднаш слаба интервенција на Олсен, но по петминутно прегледување на снимката овој погодок беше поништен со ВАР-технологија. Кристанте потоа го постигна голот за победа на Рома на асистенција на Клајверт, а истиот фудбалер потоа од идеална позиција биеше само во дирекот.
Горан Пандев можеше да биде херој на Џенова на овој натпревар, Македонецот влезе во игра кон средината на второто полувреме, а во 89. минута од идеална позиција од пет-шест метри шутираше високо над голот.
Рома со овој триумф се искачи на шестото место на табелата, со само два бода заостанување зад четвртопласираниот Милан.
Di Francesco jugándose el puesto en la #Roma y en el primer disparo a puerta del Genoa… Olsen hace esto.
Piatek aprovechó el error y volvió a ponerse en cabeza de la clasificación del ‘capocannoniere’ con 12 goles. pic.twitter.com/xq7hM3lPmw
— Onda Fútbol (@OndaFutbolOC) December 16, 2018
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
