Шпанскиот новинар Хосеп Педрерол верува дека Роберт Левандовски ќе го заземе третото место во борбата за Златната топка.
Се приближуваме до изборот за најдобар играч во светот во 2021 година, а се мислеше дека напаѓачот на Баерн може да добие признание за се што покажа во оваа натпреварувачка година. Сепак, шпанскиот новинар е убеден дека Левандовски ќе заврши само на третото место во борбата за Златната топка, а дека пред него ќе биде „дури“ и Карим Бензема од Реал Мадрид.
Наградата ќе ја добие Лионел Меси, фудбалерот на ПСЖ, иако многумина веднаш ќе кажат дека не е фер кон повеќето играчи кои зад себе имаа неверојатни сезони. Роберт Левандовски беше видно подготвен да ја освои наградата минатата година пред да биде откажана поради пандемијата на коронавирус, а подоцна призна дека е уверен дека ќе ја добие.
„Ова разочарување сега ќе се зголеми кога ќе се открие резултатот од овогодинешната Златна топка“, објави Жозеп Педрерола.
Новинарите веруваат дека Карим Бензема имаше одлична сезона, но неговите бројки не се совпаѓаат со одличната статистика на Левандовски. Годинава Полјакот постигна 64 гола, а Карим Бензема – 34. Додаваат и дека Меси ја нема истата форма во ПСЖ како во Барселона, но го освои својот прв меѓународен трофеј – Копа Америка со Аргентина.
Церемонијата ќе се одржи во понеделник, 29 ноември.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
