Ракометарите на Металург на денешниот реванш (18 часот, СЦ „Јане Сандански) ќе се обидат да ја надополнат негативата од првиот меч со Горење Велење и да обезбедат пласман во групната фаза од ЕХФ-Купот. Првото полувреме од Словенија, во кое во еден момент имаа и предност од три гола, им дава на Зоран Кастратовиќ и на неговите избраници причина за оптимизам, дека со дисциплинирана игра и цврста одбрана можат да стигнат до посакуваниот убедлив триумф.
“Пет гола се достижна разлика, која верувам дека со игра како во првото полувреме во Словенија можеме да ја анулираме и да обезбедиме пласман во следната фаза. Мораме да бидеме поконцентрирани во нападот, да нема избрзани и неизградени шутеви како што имавме во првиот меч, со кои им овозможивме користење на нивното најсилно оружје, контрата и транзицијата. Исто така, важна ќе биде и играта во одбрана, со која ќе треба да го запреме моторот на нивниот напад Алекс Кавчич и да не дозволиме игра на линијата од шест метри“, изјави тренерот Кастратовиќ во пресрет на денешниот реванш.
Првиот натпревар меѓу Горење и Металург заврши со резултат 24-19.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
