Поместувањето на Ролан Гарос за во септември предизвика негодувања кај организаторите на турнирите кои требаше да се одржат во тој период. Од Париз во вторникот стигнаа вести дека францускиот грен-слем нема да се одржи на крајот од мај поради пандемијата од коронавирус и дека е презакажан за во септември месец. Во тоа време требаше да се одржат АТП турнирите во Мец, Санкт Петерсбург, Ченгду, Софија и Жихај и ВТА турнирите во Гвангжу, Сеул, Токио и Вухан.
„Како и сите во светот на тенисот и нас не изненади објавата на Ролан Гарос. Ќе разговараме со АТП околу тоа какви опции ни се оставени“, изјави директорот на турнирот во Ченгду, Луис Карваљо.
За потсетување АТП и ВТА донесоа заедничка одлука сите турнири до 7. јуни да бидат суспендирани.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА