Навивачите на Наполи покренаа акција против расизмот во италијанскиот фудбал, јавно изразувајќи му поддршка на својот миленик Калиду Кулибали, кој беше навредуван за време на дербито против Интер во Милано.
На денешниот дуел со Болоња на сите трибини од стадионот „Сао Паоло“ илјадници фанови се појавија со картонски слики од Кулибали и порака „Сите ние сме Кулибали“, посочувајќи дека е време за посериозна битка со расизмот.
Интер е казнет со играње на две средби пред празни трибини, што според поголемиот дел од италијанската јавност е несоодветна санкција ако се знае дека и самиот Кулибали доби казна од два натпревари поради црвениот картон добиен на натпреварот на кој повеќе од еден час беше навредуван на расистичка основа пред да ги загуби нервите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
