Можеби малкумина се надеваа дека Фрајбург може да дојде до победа над Борусија Менхенгладбах на гости, но дека на полувреме ќе имаат водство од 0-6, па ниту најголемите оптимисти не се надеваа. Да, добро прочитавте, Фрајбург има предност од 0-6 во неверојатен прв дел. И тоа водството можеше да биде поубедливо, ако беше искористена уште една од дополнителните две шанси кои ги имаше гостинскиот тим.
Уште во 25. минута беше 0-5 со головите на Егештајн, Шаде, Ленарт, Хофлер и Холер, за потоа Шлотербек во 37. минута зголеми и на 0-6.
На фудбалерите на Борусија Менхенгладбах ќе треба нешто да сменат, барем да намалат од овој висок пораз. Домашниот тренер направи и две измени во првиот дел, незадоволен од случувањата на теренот, но малку е веројатно да стори нешто освен да избегне убедлив пораз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
