Спортскиот директор на наполи, Кристиано Гвинтоли ги потврди информациите дека клубот имал можност да го донесе Кристијано Роналдо минатото лето, но таа можност била отфрлена.
„Вистина е дека ни предлагаа да го земеме Кристијано Роналдо. Ние имаме многу добри односи со Мендеш и тој му предложи на претседателот Аурелио де Лаурентис да го купим. Тогаш требаше брзо да донесеме одлука и согледавме дека таков трансфер е над нашите можности “ – изјави Гвинтоли за италијанските медиуми.
Тој истакна дека Роналдо е фудбалер што ја прави разликата во играта на Јувентус, но и дека Наполи не се откажува од борбата за шампионската титула во Италија.
„Со Роналдо во оставот, Јувентус е еден од најдобрите тимови во Европа и за нас ќе биде гиолемо постигнување ако успееме да ги победиме. Свесен сум дека таа задача е многу сложена, но ние не сме се откажале од титулата во Италија“ – вели шефот на Наполи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА