Кристијано Роналдо застана во одбрана на дефанзивецот на Наполи, Калиду Кулибали, по синоќешниот натпрвар меѓу Интер и Наполи.
За потсетување, Кулибали синоќа беше навредуван на расна основа од страна на навивачите на Интер, а тренерот на Наполи, Карло Анџелоти после натпреварот порача дека ќе ги повлече своите фудбалери од терен, ако се повтори ваков инцидент.
Во одбрана на Сенегалецот застана и Роналдо со својата порака преку социјалните мрежи.
„Секогаш сакам едукација и респект во животот и во фудбалот. Да му кажеме „не“ на расизмот и на секој друг вид на дискриминација“ – порача Кристијано Роналдо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА