Мохамед Салах се покажа како супезасилување на Ливерпул по летниот трансфер од Рома, откако египетскиот ас постигна 30 гола на досегашните 36 натпревари во дресот на „црвените“. Индивидуалната статистика му е феноменална, но Салах не крие дека задоволството ќе биде комплетно дури откако ќе стигне и до тимски успех.
„Јас дојдов во Ливерпул за да освојувам трофеи. Слободно можам да кажам дека мој сон е да ја освојам Премиер-лигата токму со Ливерпул. Знам колку долго време мина од последната титула, затоа и чувството би било посебно и за нас како фудбалер како и за сите навивачи“ – изјави Салах.
Тој не заборави да ги пофали и своите соиграчи како многу значаен фактор за неговите извонредни бројки во дебитантската сезона на „Енфилд роуд“.
„Лесно е да се игра во нападот крај вакви соиграчи. Сите сме подредени на колективот и уживаме во стилот на игра што го диктира тренерот. Јас лично се обидувам да напредувам секој нареден ден, со секој нов тренинг или натпревар. Целиот живот му го посветив на фудбалот и продолжувам во ист стил“ – истакнува најдобриот стрелец на Ливерпул.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
