Работнички не го стартуваше најдобро пролетниот дел од првенството, но првиот триумф го оствари во вистински момент, совладувајќи го актуелниот шампион Вардар со 2-1 на арената „Филип Втори“. Тренерот на „романтичарите“, Горан Станковски, секако, е задоволен од изданието на својот тим и трите бода.
„Не стартувавме според желбите оваа пролет, но затоа денеска одигравме токму онака како што се договоривме. Фудбалерите го исполнија комплетно планот што го договоривме пред мечот и го нападнаа Вардар уште од самиот старт. Двата брзи гола мислам дека го шокираа противникот, и тоа беше клучниот момент на ова дерби. Одигравме цврсто, конкретно, бевме одговорни на теренот и успеавме да го сочуваме водството до самиот крај. Верувам дека овој наш тим може уште подобро во наредните натпревари, триумфот над Вардар сигурно ќе ја крене и мотивацијата за нови добри игри“, изјави Горан Станковски по триумфот над Вардар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
