Како по обичај, еден од најборбените во македонските редови, секогаш неприкосновен во функција на тимот, Стефан Ристовски доживува нова младост за себе по преселбата во Динамо Загреб, сето тоа преточено и во репрезентативниот дрес.
Така беше и синоќа во Дуисбург, еден од најдобрите во македонските редови, сега по преспиената ноќ помирно анализирајќи ги случувањата во Германија и триумфот од 1-2.
„Сега малку со поладни глава кога гледаме, по преспиената ноќ полека всушност како одминува време сфаќаме каков успех си направил. Ова не е да се победи само еден голем фаворит, но да се добие еден светски гигант, повеќекратен светски шампион, селекција која доаѓа од земја во која е клуб како Баерн Минхен од самиот врв на фудбалот. Ова треба да ни даде поттик за продолжението и сила за да не застануваме само тука, но да се продолжи во ист стил“ – истакнува еден од најдобрите македонски фудбалери.
Ова треба да биде силен мотив за настапот и на Европското првенство.
„Да, за овие натпревари се живее. Оваа генерација има неверојатен квалитет, и жално е сето тоа да не се покажува на терен. Се надевам дека сето ова ќе не држи уште долго време“ – вели Ристовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА