АТП и ВТА објавија дека тениската сезона ќе продолжи најрано на 13. јули, откако е стопирана поради пандемијата од коронавирусот.
„Во склад со откажувањето на Вимблдон АТП и ВТА објавуваат дека суспензијата на сезоната продолжува до 13. јули поради пандемијата од коронавирусот. Покрај Вимблдон откажани се сите турнири на трева (Хертогенбош, Штутгарт, Квинс, Хале, Мајорка, Истбурн, Бирмингем, Берлин и Бад Хомбург). Суспензијата се однесува на сите нивоа на тенис, вклучувајќи ги и челинџерите и ИТФ фјучрс турнирите“, стои во соопштението.
Сите турнири кои се закажани почнувајќи од 13. јули остануваат на програмата, а од АТП и ВТА истакнуваат дека во моментов во прв план е здравјето на сите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА