Легендарниот генерален секретар на Црвена Звезда, Владимир Цветковиќ во едно од своите последни гостувања на подкастите во Србија откри и вистина за која можеби малкумина се свесни на овие простори.
Потсетувајќи се на златните денови на Црвена Звезда кога во 1991 година успеа да дојде до единствената своја европска шампионска титула во историјата, Цветковиќ, кој во тоа време беше втор човек во белградскиот клуб, истакна дека клубот никогаш не би дошол до европскиот врв ако ги немаше најголемото македонско фудбалско име во историјата, Дарко Панчев како и Дејан Савичевиќ.
„Црвена Звезда никогаш не би била европски шампион ако во неа не играа Панчев и Савичевиќ… А, тие и двајцата претходно имаа потпишано преддоговор со Партизан. Дури добија и дел од аконтацијата. Тогашен претседател на клубот беше Миша Сљепчевиќ, и во договор со сите нас од струката, и проценката дека се неопходни на Црвена Звезда одлучивме по било каква цена тие дојдат во нашиот клуб“ – ќе рече Цветковиќ.
@minutuzvisenosti Vladimir Cvetković, generalni sekretar @FK Crvena zvezda u njeno zlatno doba, govori o tome kako je taj klub “oteo” iz @FK Partizan Dejana Savićevića i Darka Pančeva. Ceo intervju na našem YT kanalu (link u bio). #dejansavicevic #darkopancev #crvenazvezdafk #partizan #fudbal ♬ original sound – minut
Легендата на Црвена Звезда, Владимир Цветковиќ почина во мај оваа година на 85-годишна возраст.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
